Kahani Adhuri.. Ye Teri Meri..

Wo yaadein suhani, wo baatein purani
Reh gayi ab banke ek adhuri kahani
Jisme na tha koi raja aur na hi koi rani
Par ek tha deewana, uski harkatein deewani

Wo jhooti kasme, wo toote waadein
Kate na kati wo lambi-lambi raatein
Phir bhi na bhul paaye wo choti baatein
Pyari si muskaan jo dekhi jaate-jaate

Kahani ki shuruvat na jaane kab hui
Pata chala jab khayalon mein ek tu hi
Subah ki roshni se jaane sham kab hui
Phir na jaane sham se kab subah hui

Anjaane mein lekin ek galti ho gayi
Isse pyaar samajhne ki bhul kar di
Shayad kuch reh gayi thi isme kami
Ab teri yaadon se hai in aankhon mein nami

Sahi ya galat ki na thi kabhi samajh
Galat ko sahi samajhne se baat gayi ulajh
Kho diya jo kabhi tha hi nahi mera
Reh gaya saath ab sirf intezaar tera

Kaisi ajab hai ye teri meri kahani
Na ant hua, na kisine shuruvat jaani
Adhure hum, kuch adhure tum
Aur saath humare ye adhuri kahani


Smiles,
Swapnil..