Raaste hazaar the par raah ek hi chuni
Saath tere chalne ka bass tha iraada
Ussi raah ki mod par aaj hu main tanha
Jaise pinjre mein kaid koi jungle ka parinda
Khwaishein kai thi par manzil ek hi chuni
Le aau tere liye duniya ki har khushi
Ab na koi khwaish rahi, na koi manzil
Na muskurahat rahi, mehengi ho gayi hasi
Pyaar mila sabse par maine ek tujhe chuna
Doston ki bheed mein tera hi saath paaya
Chhod diye dost, ye duniya bhi chhodi.. lekin
Iss tanhai mein humdum tu nazar na aaya
Taaron ki chamak mein chaand tu hi bana
Har taraf thi roshni, shaam ho ya savera
Kho gayi saari roshni tere door jaane se
Ab poonam ki raat mein bhi hota hai andhera
Tere pyaar mein jeene ki aadat si ho gayi
Aaine mein dikhta hai ab tera hi chehra
Khud ko kho khar main ban gaya hu tu
Jaane chupa hai kaunsa raaz isme gehra
Smiles,
Swapnil..
No comments:
Post a Comment