Kuch baatein.. :-)

Kuch baatein kahi nahi
Bass samjhi jaati hai
Aankhon se kisike
Sirf padhi jaati hai

Inn baaton ko labz na do
Inki gehrai kho jaati hai
Inhe ankahi na samjho
Ye khub bayan kar jaati hai

Agar tum inhe keh do
Toh ye jhooti lag jaati hai
Chahe jitna bhi jod lo
Phir bhi ye toot hi jaati hai

Kuch baatein kahi nahi
Bass samjhi jaati hai
Aankhon se kisike
Sirf padhi jaati hai

Inhe padhna jo jaane
Wo duniya jeet leta hai
Dil ka rishta hamesha
Wo khub nibhata hai

Inn isharon ko samajh lo
To zindagi badal jaati hai
Uthi aankhen hi nahi
Jhuki aankhen bhi kuch keh jaati hai

Kuch baatein kahi nahi
Bass samjhi jaati hai
Aankhon se kisike
Sirf padhi jaati hai


Smiles,
Swapnil..
January 18, 2011
[09:01 PM]